PLTCOL Jovie Espenido, naka-abot na sa Police Regional Office 6

By: Aine Grace Bravo | October 15, 2019

via: Aljohn Torreta

Iloilo — Naka-abot na sa Iloilo si PLTCOL Jovie Espenido, ang controversial chief of police sadto sa Albuera, Leyte kag Ozamiz City.

Nag-courtesy call si Espenido sa Police Regional Office 6, apang natabuan nga wala si PRO 6 Director PBGEN Rene Pamuspusan.

Suno kay PLTCOL Joem Malong, Spokesperson sang PRO 6, temporaryo nga naka-assign sa Regional Personnel Holding and Accounting Unit (RPHAU) si Espenido samtang wala pa nakahatag si Pamuspusan sang iya assignment.

Magapadayon naman ang memorandum sang PNP Directorate for Personnel and Records Management natuhoy sa pag-assign kay Espenido sa Bacolod City, apang ma-finalize lang ini kon may order na si Pamuspusan.

Nagtambong si Pamuspusan sa command conference sa Camp Crame kag ginapa-abot nga magabalik siya sa PRO 6 buwas, Oktubre 16./