PSTMO Head Jeck Conlu, mangayo sang bulig sa kapulisan agud dulaon ang mga barkers sa siyudad

By: JoMaque | Oktubre 16, 2019, 12:33pm

Iloilo City — Mapakigsapol si Public Safety and Transportation Management Office (PSTMO) head Jeck Conlu kay Iloilo City Police Office (ICPO) Director PCOL Martin Defensor Jr. para mangayo sang bulig agud dulaon ang mga barkers sa siyudad.

Suno kay Conlu, mas mahadlok ang mga barkers kun mga pulis na ang maghulag bangud mas may otoridad sila nga mangdakup.

Ginpahayag ni Conlu nga mas maisog pa ang iban nga mga barkers kon sawayon sang mga traffic aides kag may mga tiun nga nagabatu pa sila.

Sa pagkamatuod suno kay Conlu, pila na ka mga barkers ang ila ginpasakaan sang kaso bangud sa ila pagbatu sa mga taga-PSTMO.

Mas mahapos kon ang mga pulis ang mag-identify kag magdakup sa mga barkers bangud may mga police station sa kada-distrito.

Istoryahan pa sang PSTMO kag kapulisan ang ila nga mangin strategy.