Lalaki nga nagpalagyo sang bag sang manugbaligya uga sa Pototan public market, arestado

By: Aine Grace Bravo | October 17, 2019

via Angel Mae Ciudad

Pototan, Iloilo — Ginpreso ang 34-anyos nga lalaki nga gintudlo nagkawat sang shoulder bag sa baligyaan sang uga sa Pototan Public Market kaina sang aga.

Ginkilala ang arestado kay Richard Genon sang Iloilo City.

Suno kay PSSg Sergeant Richard Cabucos, imbestigador sang Pototan MPS, nagpakuno-kuno nga mabakal sang uga si Genon, samtang masaku sa iban nga customers ang tag-iya.

Nakit-an na lang sang tagreklamo nga bitbit na ni Genon ang iya bag gani nagsinggitan siya rason nadakpan sang mga bystanders ang suspek.

Nag-report man sa police station ang tag-iya sang gasoline station kag personnel sang convenience store sa Pototan kag gintudlo si Genon nga nagsalisi sa ila.