Van nga ginasakyan ang mga pulis, nadisgrasya sa Miag-ao

By: JoMaque | Oktubre 17, 2019, 9:46am

Iloilo — Nadisgrasya ang van nga ginasakyan sang lima ka pulis sa Miag-ao.

Suno kay PSSg Dorothy Gelasan, traffic investigator sang Miag-ao MPS, natabu ang aksidente la-1:45 kahapon sang hapon sa Brgy. Palaca, Miag-ao.

Halin sa Police Regional Office 6 ang mga pulis bangud nagkuha sang neuro exam.

Napiyungan ang driver sang van nga si PCpl Romeo Demafelis rason sang aksidente.

Sakay man sang van sanday PCpl Aura Mae Militante, PCpl Ma. Fe Noble, PCpl Glenn Alonsagay kag PCpl Aries Espares. Out-patient ang apat lakip ang driver, samtang confine sa ospital sa Iloilo City si Alonsagay nga fractured ang tuo nga tuhod kag may gasgas sa guya.