Porter, dakup sa drug buy bust operation sa Pavia

By: Aine Grace Bravo | October 18, 2019

via Farrah Mae Morano

Pavia, Iloilo — Dakup ang 36 anyos nga porter sa drug buy bust operation sa Brgy. Cabugao Sur, Pavia subong nga hapon.

Ginkilala ang subject kay Ramil Abilo nga todo panginwala nga naga-engage siya sa illegal nga droga.

Suno sa iya, gindasuk lang sang mga pulis ang sachets sa iya nga bag.

Sa interview sang Aksyon Radyo, ginpahayag ni Abilo nga taga-Nueva Valencia Guimaras siya, nakapangasawa sang taga-Veterans Village, Iloilo City kag naga-istar siya subong sa Deca Homes sa Pandac, Pavia.

Suno naman kay PMAJ Major Jojo Tabaluc, hepe sang Pavia MPS, makatilingala nga lain-lain ang salakyan ni Abilo bisan porter ang iya nga trabaho.

13 ka sachets sang suspected shabu kag P1,800 buy bust money ang nakuha ang subject.