Driver sang motorsiklo, patay sang nalapakan sang Ford Everest sa idalum sang Infanty flyover

By: Aine Grace Bravo | October 19, 2019

via KhenJo Terco

Iloilo City — Patay ang driver sang motorsiklo nga nalapakan sang Ford Everest sa idalum sang Infante flyover mga la-una kaina sang hapon.

Ginkilala ang napatay kay Keenan Jay Cortez, 24 anyos sang Duyan-Duyan, Sta. Barbara.

Suno kay PSMS Romy Laudato sang Molo Police Station, las-4:15 gindeklarar nga napatay si Cortez bangud sang pilas sa ulo.

Ginsaysay ni alias Boy, driver sang salakyan nga nagasunod sa Everest kag motorsiklo nga halin sila sa Molo sang natabu ang aksidente.

Sang nag-GO ang traffic lights, nagliko pa-wala ang motorsiklo. Pero natumba ang motorsiklo kag nagtabog samtang nahulog si Cortez nga nalapakan sang nagasunod nga nga Everest nga ginamaneho ni Consolacion Villarete sang Dulunan, Arevalo.

Gintuyo pa suno kay Boy nga likawan ni Villarete si Cortez pero nalab-ut gid ang lalaki. Naipit pa si Villarete sa iya salakyan nga nagbunggo sa poste sang flyover antes siya na-rescue sang ICER.