ArchivesLokal

Masobra duha ka libo ka atleta sa pungsod, nagpasakup sa Uni Games nga gina-host sang University of San Agustin

By: Aine Grace Bravo | October 19, 2019

via USA FB

Iloilo City — Masobra duha ka libo ka mga atleta halin sa nagkalain-lain nga unibersidad sa pungsod ang magapasakup sa ika-24 nga Philippine University Games nga gina-host sang University of San Agustin umpisa subong tubtub sa Oktubre 27.

Ang Uni Games amo ang naga-isahanon nga privately-initiated national collegiate multi-purpose competition sa pungsod.

Preparado naman ang USA, samtang amat-amat na nag-abot sang mga atleta kaina sang aga para sa opening sang pahampang buwas.

39 ka mga unibersidad ang nagkumpirmar sang ila partisipasyon sa Uni Games.

Suno kay Fray Stephen Tan, over-all chairman sang steering committee, nakahanda na ang tanan nga mga opisyal kag ang mga gintukod nga komitiba para sa Uni Games.