ArchivesLokal

(UPDATE) Tokhang surrenderer nga gintiro patay sang riding-in-tandem sa Jaro, wala sang nasugid nga kaaway ukon pamahug suno sa pamilya

By: Aine Grace Bravo | October 19, 2019

via Hotline

Iloilo City — Maayo makisama kag wala sang kontra ang ang tokhang surrenderer sang Tacas, Jaro nga gintiro patay sang riding-in-tandem sa Tabuc Suba, Jaro kagab-i.

Suno kay Flexy, magulang ni Felix Arjenal Jr, may tiun suno sa iya nga pikon ang iya manghod pero maayo siya makisama sa mga tawo sa ila lugar.

Wala man suno sa iya nakasugid ang iya manghod nga may kontra ukon nagahingabot sa iya.

Blangko man si Flexy sa impormasyon nga miembro sang guns-for-hire kag involved sa Prevendido kag Bolivar drug groups si Felix Jr.

Una na ginpabutyag ni PCT Eduardo Siacon, hepe sang Jaro Plice Station, nga downline sang nasambit nga drug groups si Arjenal samtang liwat naman nila gina-validate ang impormasyon nga gun-for-hire ang biktima.

Pagtimalos ang ginasunod nga anggulo sang Jaro police sa krimen.