60-anyos nga negosyante, gintiro-patay sa Barotac Nuevo

By: JoMaque | Oktubre 20, 2019, 10:42am

Barotac Nuevo, Iloilo — Patay ang negosyante nga tigulang nga lalaki sang gintiro sa Barangay Lico-an, Barotac Nuevo kahapon, Oktubre 19.

Ginkilala ang biktima kay Efren Hechanova, 60, nga residente sang amo man nga lugar.

Suno kay Police Major Ramel Sarona, hepe sang Barotac Nuevo Police Station, patal ang mga pilas sa ulo sang biktima.

Base sa imbestigasyon sang mga pulis, nagapanukot sa tiyangge ang biktima sang gintiro sang suspetsado nga si Ernie Bragancia, 53 anyos sang amo man nga lugar.

Ginpahayag nga nakamuno ang biktima nga diutay ang sweldo sang mga barangay kagawad kag nabatian ini sang asawa sang suspetsado.

Nagpauli ang asawa sang suspetsado kag posible nagpanugid kay Bragancia.

Kasunod sini ang pagtiro kay Hechanova.

Gina-imbestigaran man ang anggulo nga may daan nga pagdumtanay ang biktima kag ang suspek.