ArchivesLokal

2 patay, 4 pilason lakip ang 2 ka pulis kag media correspondent sa pagpangluthang sa San Jose, Antique

By: Aine Grace Bravo | October 21, 2019

via Francis Basco

Antique — Duha ang patay, tatlo ang napilasan sa pagpangluthang sa Barangay Atabay, San Jose, Antique, pasado las siete kaina sang aga.

Ginkilala ang mga napatay kanday Ervin James Checa, 32-anyos,  nga nagabantay sang computer shop; kag ang 24 anyos nga si Ana Anacleto nga naulamid sa pagpangluthang.

Lakip naman sa mga napilasan ang correspondent sang Panay News sa Antique nga si Stephen Louise Checa nga naigo sa abaga. Manghod ni Stephen si Ervin James.

Napilasan pa gid nga duha ka pulis nga nagresponder nga sanday Corporal Albert Talidong kag Staff Sergeant Cyrell Valdevieso.

Suno kay Police Lieutenant Colonel Mark Darroca, hepe sang San Jose Police Station, may pagbag-isay sa computer shop gani nagpangayo sang police assistance si Stephen.

May natabu nga shootout sang nagresponder ang kapulisan sa diin naigo pa sang bala ang patrol car sang San Jose Police Station.

Nagpalagyo ang suspek nga si Venom Dio Vergara, 22-anyos, residente man sang Atabay, pero ginlagas sang kapulisan kag nadakpan.

Napilasan man ang suspek matapos natiruhan sang kapulisan sang naglagsanay sila sa talamnan.