ArchivesLokal

(UPDATE) Lalaki nga nabungguan patay sa La Paz, nakilala na

By: Aine Grace Bravo | October 21, 2019

via Angel Mae Ciudad

Iloilo City — Nakilala na ang lalaki nga nabunggu-an sang pick-up sa sa Luna St. La Paz kaina sang kaagahon.

Suno kay PSMS Dennis Yee, nagkadto sa Police Station ang pakaisa sang biktima nga si Yolanda Eslaban kag ginkilala ang bangkay ni Demetrio Mationg.

Naga-suprer sang depression si Mationg suno kay Yee.

Ginsugid sang pakaisa nga ginbayaan sang iya nobya si Mationg kag gindala pa ang iya motorsiklo kag kwarta rason nga na-depress.

Mabakal kuntani sang bulong sa highblood si Mationg bangud naglain iya ang pamatyag. Gin-athag naman ni Yee nga wala naka-inom si Mationg.

Gin-detain sa La Paz police ang driver sang pick-up nga si Noel Tan, pero naglain man ang iya pamatyag rason nga gindala siya sa ospital.

Wala na sang plano nga magpasaka sang kaso ang pamilya ni Mationg kay Tan nga nagpasalig nga mabulig sa galastuhon sa pagpalubong sa biktima.