Bana nga nagpangimon, pilason matapos ginbuno sang asawa nga barangay kagawad sa Calinog

By: JoMaque | Oktubre 22, 2019, 8:54am

Calinog, Iloilo– Na-ospital ang bana matapos ginbuno sang iya asawa nga barangay kagawad sa isa ka barangay sa Calinog.

Napilasan sa likod si alyas Mr, 53-anyos sang ginbuno ni alyas Lyn-Lyn, 49-anyos.

Suno kay Police Major Jose Nemias Pamplona, hepe sang Calinog Police Station, nagpangimon ang bana sang nakit-an nga may naga-agbay nga lalaki sa iya asawa sa barangay assembly sa covered gym sang barangay.

Dugang ni Pamplona, ginkomprontar sang bana ang asawa tubtob nga nagwaras.

Nakita sang asawa ang kutsilyo sa lamesa, ginkuha, kag ginbuno sa iya bana.

Estable na ang kondisyon sang biktima samtang naka-hospital arrest ang asawa matapos naglain ang iya pamatyag.