Mayor Jerry Treñas, nag-init ang ulo sa flag ceremony sang city government; Mga department heads nga absent kada meeting, wala sang budget sa 2020

By: JoMaque | Oktubre 22, 2019, 8:57am

ILOILO CITY — Nanumpa si Mayor Jerry Treñas sa atubang sang mga City Hall employees kag mga boy and girl officials nga wala na sang departamento nga gamiton para sa pulitika.

Suno kay Treñas, kun sin-o man ang mapagamit sa pulitika, tapungulon niya.

Liwat nga ginpahayag sang alkalde nga ang nakaligad nga administrasyon ang pinakamalain bangud sa pagpang-ipit kag pagpamahog sa mga empleyado.

‘ABSENT, NO BUDGET’

Wala sang operational budget ang opisina sang department heads nga indi makatambung sa department heads meeting sugod subong nga adlaw.

May gintumod ang alkalde nga department head nga wala nagatambong sa meeting, apang wala niya ginhingadlan.

Ginpahayag ni Treñas nga indi dapat magpahuya-huya ang mga department heads bangud ginaswelduhan sila sang mga pumuluyo.

Sa kasubong nga speech, gintawag man ni Treñas ang mga taga City Engineer’s Office nga mga “yawa” kag “tunto.”

Ginbuyayaw pa sang alkalde ang opisina.

Ini kasunod sa pag-inspection kada bulan kun may occupancy permit ang mga negosyo sang alkalde antes ang eleksyon .