ArchivesLokal

(UPDATE) 22 anyos nga suspek sa pagpangluthang sa San Jose, Antique nga nagresulta sa 2 patay kag pagkapilas sa 2 pulis kag media correspondent, ginpasakaan sang sampaw-sampaw nga kaso

By: Aine Grace Bravo | October 22, 2019

via Francis Basco

Antique — Ginpasakaan na sang kaso ang 22 anyos nga suspek sa pagpangluthang sa computer shop sa Atabay, San Jose, Antique kahapon sang aga nga nagresulta sa duha ka patay kag pagkapilas sang duha ka pulis kag media correspondent.

Ginkumpirmar ni Lieutenant Colonel Mark Darroca, hepe sang San Jose Police Station nga ginpasakaan na sang two counts sang murder, two counts sang frustrated homicide kag one count sang attempted homicide si Venom Dio Vergara..

Samtang operahan si Stephen Louie Checa, correspondent sang Panay News sa Antique, bangud wala nakaguwa ang bala sa iya likod matapos siya naigo sa wala nga parte sang liug. Maayo lang suno kay Checa nga wala naigo ang iya spinal column.

Ginpahayag ni Checa nga wala gid siya naglaum nga maniro si Vergara bangud nagkalma na siya sang iya gin-istorya.  Pero naakig si Vergara sang nakita ang mga pulis.

Una gintiro sang suspek si Checa kag ginsunod ang iya utod nga si Ervin James Checa kag si Ana Anacleto nga nagatrabaho man sa computer shop. Napatay kanday Ervin James kag Anacleto.

Napilasan ang duha ka pulis nga kanday Corporal Albert Talidong kag Staff Sergeant Cyrell Valdevieso.