ArchivesLokal

9 pulis sa Western Visayas, gin-dismiss bangud sa illegal drugs

By: Aine Grace Bravo | October 23, 2019

via Aljohn Torreta

Kampo Delgado, Iloilo City — Gin-dismiss ang siyam ka pulis sa Western Visayas bangud sa illegal drugs.

Base sa data sang Police Regional Office 6, naglapas sa Comprehensive Dangerous Drugs Act kanday Staff Sergeant Charlie Blanza, Patrolman Angelo Cañal, Patrolman Henson Digon kag Corporal Victor Jimenea sang 2016 tubtob 2017.

Nagpositibo naman sa drug test kanday Patrolman Kenneth Escolta, Patrolman John Paul, Talaban, Staff Sergeant Jojie Salahid, Patrolman Joelito Colantro Jr. sang 2018 kag Corporal Pedrito Lupo sang 2019.

Ang mga dismissal orders lang sang 2018 sa pagdumala nanday anay PRO 6 Directors Cesar Hawthorne Binag kag John Bulalacao ang na-implementar.

Una na ginpahayag ni PNP OIC Chief Archie Francisco Gamboa nga 454 pulis sa pungsod ang gin-dismiss sugod sang 2016 bangud sang ila kaangtanan sa illegal nga druga.