(UPDATE) Marine engineering students sang WIT, nagpalab-ut sang reklamo sa CHED batuk sa ila eskwelahan

By: Aine Grace Bravo | October 23, 2019

via Jeremy Brian Valle

Iloilo City — Nagpakigsapol ang mga Marine engineering students sang Western Institute of Technology sa Commission on Higher Education (CHED) Regional Office 6 Assistant Director Dr. Rex Casiple.

Ginpresentar sang mga estudyante ang mga dokumento nga nagapamatuod nga kompleto kag wala na sila sang kulang nga requirements sa WIT para sa ila apprenticeship.

Suno kay CHED 6 Assistant Director Dr. Rex Casiple, wala dapat ginpapirma ang mga estudyante sang affidavit of undertaking.

Dugang pa ni Dr. Casiple, dapat i-consolidate sang mga estudyante ang mga gusto nila matabo agud mapalab-ot sang CHED sa Western Institute of Technology ang ila reklamo.

Suno kay alyas RM, gina-require sila sang eskwelahan nga magpasa sang guarantee letter gikan sa kompaniya nga gina-aplayan nila agud i-release ang ila documents.

Dugang pa ni RM, ginpanugyanan siya sang Shipboard Training Officer nga gamiton ang guarantee letter nga gingamit sang iya classmate kag papirmahan lang para i-release ang iya mga documents.