1st Umbrella Festival sang Guimaras sa Nobyembre, ginalauman nga makaganyat sang mga turista

By: Aine Grace Bravo | October 24, 2019

via Jeremy Brian Valle

Guimaras — Gin-propose sang Department of Tourism 6 ang paghiwat sang 1st Umbrella Festival sa Guimaras sa November 9 sa tuyo nga mapasanyog ang turismo sang probinsya.

Suno kay DOT 6 Atty. Helen Catalbas, nagnubo ang turismo sa Guimaras bangud sang August 3 sea tragedy nga nagbilin sang 31 ka patay.

Ginabanta suno sa iya sa 90% ang pagnubo sa turismo sa Guimaras kasunod sang trahedya.

Dugang pa ni Catalbas, hiwaton ang 1st Umbrella Festival ceremony sa Buenavista Port kag Jordan Port.

Magahatag ang DOT 6 sang 1,000 ka mga payong nga may nanari-sari nga color agud mangin ‘Instagramable’ ang pagbyahe sang mga pasahero halin Iloilo-Guimaras vice versa.

Butangan man sang mga slogan ang mga payong nga nagadayaw sa Guimaras.