BSP-Iloilo Confesor Council Jamboree sa WVSU-CAF, gintambungan sang masobra 4,000 boy scouts halin sa province, city of Iloilo

By: JoMaque | Oktubre 24, 2019, 9:01am

Lambunao, Iloilo — Gintambungan sang masobra 4,000 ka mga boy scouts ang Boy Scout of the Philippines Iloilo Confesor Council Jamboree sa West Visayas State University (WVSU) – College of Agriculture and Forestry campus sa Barangay Jayubo, Lambunao.

Suno kay BSP- Iloilo Confesor Council Field Scout Executive Leo Lao, may obstacle course, hiking kag scout sport activities ang Grade 4 tubtub Grade 6 nga mga boy scouts.

Samtang may environmental activities kasubong sang tree planting kag community clean-up naman para sa mga senior scouts nga estudyante sang Junior High School.

Gin-preparahan sang local government unit sang Lambunao ang sanitation, water system ,electrification, security kag billeting areas sa mga nagapasakup sa jamboree.

Ginpasakupan ang jamboree sang mga boy scouts halin sa kabanwahanan sa probinsiya kag Iloilo City.

Ang BSP Iloilo Confesor Council Jamboree, nagsugod kahapon, Oktubre 22 tubtub sa Oktubre 27.