Mayor Jerry Treñas, na-disappoint sang ginpang-damage ang palm tree sa Diversion Road;P50k, gintanyag nga reward sa makatudlo sa naghalit sa mga tanom

By: JoMaque | Oktubre 24, 2019, 8:56am

Iloilo City — Disappointed si Mayor Jerry Treñas sang nahibaluan nga ginpang-tumba kag ginpangbali ang mga palma nga natanom sa center island kag service road sang Diversion Road, Mandurriao.

Suno kay Treñas, nagapulaw-bugtaw, nagapatial sa init kag nagasulay sa ulan ang mga empleyado sang Task Force on Beautification agud mapatahom ang siyudad pero may yara gihapon sang nagapangguba sini.

Nagtanyag naman sang P50,000 nga reward si Mayor Jerry Treñas sa makatudlo sa nagpangtumba kag nagpangbali sa mga palma.

Luyag niya nga kasuhan kag ipa-preso ang responsable sa pagpangguba sa mga tanom.

Sa mga may nahibaluan, gin-engganyo sang alkalde nga magreport sa iya opisina, kapulisan ukon sa Task Force on Beautification.