Pagbalik sang trapal sa mga pump boats sa Guimaras, ginpasugtan sang DOTr

By: Aine Grace Bravo | October 25, 2019

via Angel Mae Ciudad

Iloilo City — Ginahulat na lang ang mandu sang MARINA kag Coast guard kun san-o ipatuman ang pagbalik sang trapal sa pump boats nga nagabiyahe Iloilo-Guimaras vice versa.

Suno kay Guimaras Vice Governor John Edward Gando, may kondisyon nga dapat sundon ang tag-iya sang mga pump boats sa kadakuon sang trapal.

Sa text message nga ginpadala kay Guimaras Lone District Rep. Ma. Lucille Nava kag Governor Samuel Gumarin, nakabutang ang mga kondisyon nga:

A. Height of tarp-1.8 meter
B. Length-50% of the length of boat
C. Width-80% of the width of boat
D. Angle of deflection-not more than 15 degrees from the horizontal line

Samtang, nagapabilin sa gihapon iban pa nga kondisyon nga ginpatuman pagkatapos sang August 3 sea tragedy nga (1) 75% pax capacity sang pump boat, (2) pagsuksok sang life jacket kag (3) fair weather lang ang pagpabiyahe sang pump boats.