1 patay, 30 pilason sang naaksidente ang truck nga nakumpanyar sa Anilao

By: Aine Grace Bravo | October 26, 2019

via KhenJo Terco

Anilao, Iloilo — Isa ang patay, 30 ang pilason sang na-aksidente sa Barangay Balunos, Anilao ang truck nga ginsakyan sang mga nagkumpanyar sa lubong mga la-1:30 kaina sang hapon.

Ginkumpirmar ini ni PLT. Uswald Gatuslao, hepe sang Anilao MPS.

Suno kay Gatuslao, papuli na halin sa lubong ang truck sang naglamsut ang preno gani ginwarik sang driver ang manibela agud indi mahulog sa banglid. Natumba kag nagtakilid ang truck rason nga nag-alawas ang mga sakay.

Dead-on-the-spot si Helen Parcon, 61 anyos sang Balabag, Anilao, matapos napilpilan sang barandilya.

Gindala ang mga pilason sa Western Visayas Medical Center, Barotac Nuevo District Hospital kag Dumangas District Hospital.