ArchivesLokalUncategorized

Igbaras LGU, naglunsar sang ‘Diaper Day’ Program

By: JoMaque | Oktubre 26, 2019, 9:11am

Igbaras Iloilo— Ginlunsar subong nga adlaw sang LGU Igbaras ang “Diaper Day” sa diin magalibot ang tatlo ka garbage trucks sa banwa para magpangolekta sang used diapers.

Suno kay Mayor James Esmeralda, tinutuyo sang programa nga malikawan ang pagdamo sang diapers nga nagalapta sa ila lugar, kag malikawan ang mga balatian nga mahatag sini.

May 600 ka lapsag nga ginabun-ag kada tuig sa Igbaras suno kay Mayor Esmeralda, kag ginabanta nila nga indi magnubo sa lima ka libo ka diapers ang magamit kada adlaw.

Sa paglibot sang alkalde, madamo siya sang nakita nga nagalapta nga used diapers, rason nga naka-obra ang LGU sang programa nga ‘Diapers Day’ kada Sabado.

Magapanghatag sang sako ang LGU nga sudlan sang mga diapers sa mga pamalay.

Ginklaro naman ni Esmeralda nga wala sang kabaylo ang pagpangkuha nila sang used diapers.

Dal-on sa residual waste compartments area ang mga makuha nga used diapers.

Wala pa man sang dugang nga lihok ang LGU Igbaras kun ano ang himuon sa mga diapers nga makolekta suno sa alkalde.

Leave a Reply