3-storey boarding house, nasunog sa Brgy. Danao, City Proper

By: JoMaque | Oktubre 27, 2019, 8:43am

Iloilo City — Ginpukaw ang mga residente kag boarders sang nag-ibwal ang kalayo halin sa 3-storey boarding house sa Barangay Danao, City Proper kaina sang kaagahon.

Suno kay City Fire Marshall Christopher Regencia sang Bureau of Fire Protection-Iloilo City, ginapanag-iyahan ni Mrs. Patricia Angeles ang boarding house.

Base sa imbestigasyon sang BFP, ginapatihan naghalin ang kalayo sa ikaduha ukon ikatatlo nga panalgan sang boarding house.

Human sa mixed materials ang balay kag kalabanan diri ang kahoy rason nga madasig ang paglapta sang kalayo.

Ginalantaw nga naghalin sa electric wire ang kalayo.

Ginabanta sa P650,000 ang ginbilin nga kahalitan sang sunog.