24th UniGames nga gin-host sang USA, nangin madinalag-on
By: JoMaque | Oktubre 28, 2019, 8:55am
Iloilo City — Nangin madinalag-on ang 24th Philippine University Games ang gin-host sang University of San Agustin nga nagtakop kahapon, Oktubre 27.
Nag-kampeon ang De La Salle College of St. Benilde sa basketball women kag Colegio de Sta. Ana de Victorias ang nagdaug sa basketball men.
Nakuha sang University of Sto Tomas ang gold medal sa beach volleyball women samtang nagdaug ang National University sa beach volleyball men.
Sa volleyball, nagkampeon ang De La Salle University- Manila sa women category samtang De La Salle College of St. Benilde ang nagkampeon sa mga lalaki.
Nagdaug naman ang defending champion nga University of the Philippines sa football.
Samtang sa athletics women, nagkampeon ang University of Sto. Tomas.
41 ka mga eskwelahan ang nagpasakop sa 24th Unigames.