Security plan sang ICPO para sa pista minatay, plastado na

By: JoMaque | Oktubre 28, 2019, 9am

Iloilo City — Plastado na ang security plan sang Iloilo City Police Office ukon ICPO para sa pista minatay.

Suno kay ICPO spokesperson Police Captain Shella Mae Sangrines, naka-full alert status ang PNP bangud ginalauman ang pagdugok sang mga pumuluyo sa mga pampubliko nga lugar.

May ipahamtang suno sa iya nga police assistance desk sa mga terminals kag mga sementeryo agud magsiguro sa seguridad.

Halos tanan nga personnel sang ICPO ang i-deploy sa magkatuhay nga lugar sa siyudad.

Ginpahanumdom man ni Sangrines ang publiko nga ginadumili ang pagdala sang makahulubog nga ilimnon sa sulod sang patyo kag may ipatuman nga liqour ban.        

Lakip sa ginabawal sa sulod sang sementeryo ang illegal gambling activities, pagdala sang matalom nga bagay kag armas.