Trapal sang mga pump boats sa Guimaras, pwede na mabalik suno sa MARINA 6

By: Aine Grace Bravo | October 28, 2019

via Jeremy Brian Valle

Iloilo City — Puwede na mabalik sang mga operators ang mga trapal sa mga pump boats nga nagabiyahe Iloilo-Guimaras vice versa.

Ini ang ginkumpirmar ni Maritime Industry Authority (MARINA) 6 Director Jose Vero matapos ang ila sinapol sa mga motorbanca operators upod ang Philippine Coast Guard sang weekend.

Pero dapat suno sa iya nga ipa-check sa MARINA 6 ang itakud nga trapal kun nagasunod sa gin-issue nga Department of Transportation (DOTr) guidelines antes makabiyahe ang mga motorbanca.

Base sa DOTr guidelines, kinahanglan nga 1.8 meters ang height, 50% sang kalabaun sang pump boat ang length, kag 80% sang kasangkaron sang pump boat ang width sang trapal.

Gin-athag naman ni Director Vero nga nagapadayon ang modernization program sang DOTr kag may yara na suno sa iya sang mga franchises nga ma-expire sa 2020.

Ginpahayag ni Vero nga may instruction sa ila nga indi na maghatag sang franchise.