42 anyos nga suspek sa pag-rape patay sa 19 anyos nga babaye sa Janiuay, napasakaan na sang kaso

By: Aine Grace Bravo | October 29, 2019

via BBB

Iloilo City — Ginpasakaan na sang rape by carnal knowledge with homicide sa Hall of Justice si Alyas John, 42 anyos, nga suspect sa pag-rape patay sa 19-anyos nga si Ronalyn Bravio sa Abangay, Janiuay sang Sabado, Oktubre 25.

Wala napunggan sang pamilya sang biktima nga mangin emotional matapos nakita ang suspect nga nagayuhom-yuhom pa.

Ginpahayag ni Cesar nga amay sang biktima nga indi gihapon siya makapati nga mahimo sang hinablos sang iya asawa ang krimen. Nagalaum si Cesar nga sa pagpasaka sang kaso, mahatagan na sang hustisya ang iya bata.

Nagserbe nga witness sa kaso ang 15 anyos nga bata ni John nga si alyas Toto.

Mabaskug ang testimoniya ni alyas Toto suno kay Atty. Bert Cataluña.

Ginturn over na sang MSWDO sa iya tiya si alyas Toto.