ArchivesLokalUncategorized

‘Naga-anggid ang iya hitsura sa akon asawa’ — suspek nga naglugos-patay sa 19-anyos nga dalaga sa Janiuay

By: JoMaque | Oktubre 29, 2019, 10:01am

Janiuay, Iloilo (UPDATE) – Naga-anggid ang hitsura ni Ronalyn Bravio, 19-anyos, sa asawa sang suspek nga naglugos-patay sa iya sa Abangay, Janiuay sang Sabado sang gab-i.

Ini ang pahayag ni Alyas John, 42-anyos, rason nga nahimo niya ang krimen.

Si John ang walo ka tuig na nga bulag sa iya asawa, kag may yara sila sang mga kabataan.

Suno sa iya, madugay na siya nga naluyag kay Ronalyn bisan pakaduha niya ang biktima.

Sang Sabado antes natabu ang krimen, nasugata niya si Ronalyn kag gin-istorya pero nagpamalibad ang babaye kag iya nga ginyudyod padulong sa kamalig sa diin nasapwan ang biktima.

Napatay niya suno sa iya ang biktima bangud nagbato kag nadala siya sang pagka-impito.

Una nga gintudlo si John sang iya 15-anyos nga bata nga lalaki nga amo ang mastermind sa krimen.

Nagpanginwala pa si John sa kaangtanan sa krimen, pero pagka-ulihi iya man nga gin-ako.

Preso sa Janiuay Police Station ang suspek kag natalana nga pasakaan sang kaso nga rape with homicide.

Leave a Reply