42 anyos nga nag-ako sa paglugos patay sa iya pakaduha sa Janiuay, ginpa-drug test

By: Aine Grace Bravo | October 30, 2019

via Hotline

Janiuay, Iloilo — Ginpa-drug test si Alyas John, 42 anyos nga nag-ako sa paglugos-patay sa iya pakaduha nga si Ronalyn Bravio, 19-anyos sa Abangay, Janiuay sang Sabado, Oktubre 26.

Suno kay PCT Dadje Delima, hepe sang Janiuay MPS, luyag nila hibaluon kun nakagamit sang illegal nga druga si John sang ginhimo ang krimen.

Indi normal suno sa iya nga gin-pressure sang amay si Alyas Toto, 15 anyos, nga himuslan man si Bravio pagkatapos niya kag ginpatay pa sa atubangan sang solterito ang biktima.

Ipa-idalum naman  sa psychiatric intervention si Toto, nga nagtindog testigo batuk sa iya amay.

Ginpahayag ni Delima nga masami nagakaurongan ang solterito.

Nag-ayu si John suno kay Delima nga makapahuway kag maka-relax kasunod sang natabu.

Gintugyan naman ni Delima sa korte ang pag-reconcile sa pahayag sang soterito.

Una nga gin-ako ni Toto nga nakatandog siya sa biktima pagkatapos lugos sang iya amay.

Pero sa iya gin-execute nga affidavit, ginpanginwala na sang solterito nga nakatandog siya kay Bravio.

Ginhatagan sang bug-at lang suno kay Delima kon paano ginhimo ni John ang krimen.