Malawig nga power interruption, na-experyensyahan sa Panay

By: Aine Grace Bravo | October 30, 2019

via Hotline/BBB

Liwat nga nag-blackout  sa Panay subong nga adlaw.

Suno kay Panay Electric Company (PECO) Corporate Communications Officer Mikel Afzelius, nag-trip off ang main submarine cable nga nagakonekta sang Negros kag Panay Islands.

Daku ang tsansa suno kay Afzelius nga konektado ang blackout kagab-i kag subong nga adlaw.

Sa Facebook page sang National Grid Corporation of the Philippines (NGCP), ila ginpa-athag nga nag-trip off ang 138 kV Negros-Panay submarine cable las-8:02 kaina sang aga gani nga may power interruption sa mga linya sang PECO, Ileco 1, Ileco II, Ileco III, Guimaras Electric Cooperative, Antique Electric Cooperative, Capiz Electric Cooperative kag Aklan Electric Cooperative.

Nabutang man sa post nga nabalik ang power sa Panay las-10:11 kaina sang aga sa mga electric cooperatives, pero nagapabilin nga wala sang elektrisidad ang pila ka portion sang PECO.