1 patay, 2 pilason sang nabungguan sang motorsiklo ang tricycle sa Banate

By: JoMaque | Oktubre 31, 2019, 10:54am

Banate, Iloilo—Isa patay kag duha pilason matapos nabungguan sang motorsiklo ang tricycle sa Barangay Magdalo kahapon.

Gindala pa sa ospital ang driver sang tricycle nga si Charley Sandillan, 40-anyos sang Bularan, Banate apang napatay bangud sang patal nga pilas sa ulo.

Pilason man ang menor-de-edad nga driver sang motorsiklo nga si alyas Roy, 17 kag back-rider niya nga si alyas Oliver, 17.

Malusot kuntani si Roy sa tricycle apang na-alang-alang siya rason nga nabungguan si Sandillan.