PRO 6 Director Rene Pamuspusan, naglibot sa syudad kag probinsya bilang preparasyon sa Piesta Minatay
By: Aine Grace Bravo | October 31, 2019
via Aljohn Torreta
Iloilo — Naglibot si Police Regional Office (PRO) 6 Director PBGEN Rene Pamuspusan sa pila ka mga patyo, terminal kag puerto sa syudad kag probinsya bilang preparasyon sa Piesta Minatay.
Suno kay Pamuspusan, sentro sang iya inspection ang police deployment kag familiarity sang mga pulis sa sitwasyon.
Lakip man sa gina-inspect sang opisyal ang uniform sang mga pulis nga naga-duty.
Naglibot si Pamuspusan sa San Pedro Terminal sa Molo, Pavia People’s Terminal, Tagbac Terminal, Christ the King Memorial Park sa Jaro, Forest Lake Memorial Park kag Catholic Cemetery sa Mandurriao, Lapuz Port kag Parola Wharf.
May mga opisyal man nga maga-inspect sa nagkalain-lain nga patyo sa Piesta Minatay.
Naka-full alert status ang PNP tubtob sa Nobyembre 3.