Labing una nga community center para mapalapitan sang mga depressed, ginlunsar sa La Paz

By: Aine Grace Bravo | November 2, 2019

via Angel Mae Ciudad

Iloilo City — Ginlunsar sa La Paz ang labing una nga Community Center for Health Education and Counseling kaina sang hapon.

Suno kay Iloilo City Police Office Director PCOL Martin Defensor Jr, target sang community center nga makahatag sang bulig sa mga nagasuprer sang depression. Daku ang mabulig suno kay Defensor sang community center agud mabuhinan ang suicide.

Nag-volunteer ang isa ka psychiatrist kag isa ka psychologist nga maga-duty kada Sabado, halin las-tres sa hapon tubtob las-seis sa gab-i.

Bukas sa tanan ang community center.

Ginpanugyanan lang ni Defensor ang luyag magpangayo sang bulig nga magkadto sa La Paz Police Station agud magiyahan sila kag mahatagan sang referral.