ArchivesLokal

Mga nalinugan sa Mindanao, nagapangayo sang pagkaun, bulong kag tents

By: Aine Grace Bravo | November 2, 2019

via Hotline

Mindanao — Pagkaon, bulong kag mga tents ang nagapanguna nga kinahanglanon sang mga residente nga apektado sang sunod-sunod nga linog sa Mindanao.

Suno kay Ms. Shiela Malangis sang Makilala, North Cotabato, madamo nga residente ang nagabalatian ilabe na ang mga senior citizens kag may yara man sang mga bag-o nagbun-ag nga iloy.

Ginpahayag ni Malangis nga indi bastante ang mga bulong kag pagkaon nga ginahatag ang local government unit.

Indi na makasulod sa ila mga balay ang mga residente kag nagatiner na lang sa tents sa guwa sang evacuation center ang pila sa ila bangud sa sunod-sunod man nga aftershocks nga ila nabatyagan. 20 minutos lang suno sa iya ang intervals sang kada aftershocks kag masami nga nagakatabu kun gab-i kag kaagahon.

Magluwas sa pagkaon, bulong kag trapal, nagahingyo man sila sang pangamuyo nga mauntat na ang mga nabatyagan nga pagtay-og.