Pag-obserbar sang All Saints’ Day sa Iloilo province, nangin malinong, matawhay – IPPO Director

By: JoMaque | Nobyembre 2, 2019, 9:16am

Iloilo – Nangin matawhay kag malinong ang pag-obserbar sang All Saints’ Day sa bilog nga probinsiya sang Iloilo kahapon.

Suno kay Iloilo Police Provincial Office (IPPO) Director Police Colonel Roland Vilela, wala sang natabu nga insidente sa probinsiya base sa monitoring sang PNP.

Ginhimo suno sa iya sang kapulisan ang ila responsibilidad agud mapabilin nga matawhay kag organisado ang mga sementeryo lakip na ang iban nga pampubliko nga lugar.

Wala naginutok ang mga tawo sa sementeryo bangud ang iban sa ila ang nagpadulong na, antes ang Nobyembre 1.

Padayon naman nga magabantay suno sa IPPO director ang mga pulis bangud ginapaabot nga madamo pa ang magapadulong sa sementeryo tubtob bwas, Nobyembre 2.

Nagabulig man bantay kag siguro sang seguridad ang mga nag-augment nga force multipliers sa mga pampubliko nga lugar.

Wala untat ang paglibot ni Vilela sa mga police stations kag sementeryo sa probinsiya agud masiguro nga ginsunod sang mga pulis ang direktiba nga iya ginpapanaog antes ang piyesta minatay.