Pag-obserbar sang All Souls’ Day sa syudad, nangin matawhay

By: Aine Grace Bravo | November 2, 2019

via Iloilo City Government

Iloilo City — Nangin matawhay ang pagdumdom All Souls’ Day sa siyudad sang Iloilo subong nga adlaw bangud sa hugot nga pagbantay sang mga personnel sang pito ka ahensya kag opisina sang gobyerno.

792 ka mga personnel halin sa Public Safety and Transportation Management Office (PSTMO), Philippine National Police, Bureau of Fire Protection, City Disaster Risk Reduction and Management Office (CDRRMO), City Environment and Natural Resources (CENRO), Iloilo Anti-Smoking Task Force kag Philippine Coast Fguard ang gin-deploy agud masiguro ang malinong nga pag-obserbar sang All Souls’ Day.

Sa amo nga numero, 282 ka personnel ang gin-deploy sang PSTMO; 319 ang mga pulis; 67 ang mga bombero; 29 ang halin sa CDRRMO; 18 halin sa ICAST kag 32 halin sa Coast Guard.

Samtang, as of 9:44 kaina sang aga, siyam ang nadakpan sang ICAST nga nagapanigarilyo sa sulod sang patyo, terminal, parola wharf kag sa depasahero nga salakyan.

Padayon man inspeksyon sang BFP sa mga sub-station sa ila tagsa ka area of responsibility kag pagpanagtag sang mga information materials sa mga sementeryo kag terminals.