22-anyos nga lalaki, nakuryente patay sa Pototan

By: Aine Grace Bravo | November 4, 2019

via Angel Mae Ciudad

Pototan Iloilo — Patay ang 22-anyos nga lalaki sang nakuryente sang electric motor sa Barangay Igang, Pototan.

Ginkilala ang napatay kay Raffy Bagsain, tumandok sang Banate.

Suno kay Police Staff Sergeant Amando Caporal, imbestigador sang Pototan Police Station, nagapanghagbas sang tigbaw si Bagsain sang nakuryente sang linya sang electric motor.

Gindala pa sa ospital si Bagsain pero gindeklarar nga dead-on-arrival.