Mga tanum sa Molo public plaza, ginpanggabot

By: JoMaque | Nobyembre 4, 2019, 9:39am

Molo, Iloilo City – Nagreklamo si City Environment and Natural Resources Office (CENRO) Inspector Joselita Esmaya, 55-anyos nga assigned sa Molo public plaza nga ginpanggabot ang mga tanum sa plaza.

Nadiskubrehan ni Esmaya nga ginpanggabot ang mga tanum malapit sa temple structure kahapon sang aga.

Wala makilala ang nagpanggabot sa mga tanum.

Ginahibalo pa ni Esmaya kon pila ang kahalitan sang mga ginpanggabot nga tanum.

Sang damlag lang, ginpang-damage man ang mga palma sa Diversion Road, Mandurriao nga ginkaakig ni Mayor Jerry Treñas.

Una nga nagtanyag sang reward money ang alkalde sa makatudlo sa mga nagapang-damage sa mga tanum.