OCD 6, liwat naghimo sang simulation exercise
By: Aine Grace Bravo | November 8, 2019
via KhenJo Terco
Iloilo City — Nag-conduct sang ika-duha nga simulation drive ang Office of the Civil Defense (OCD) 6 kaupod ang Philippine Coast Guard, Philippine National Police, Armed Forces of the Philippines, Bureau of Fire Protection, kag iban pa nga mga emergency responders subong nga adlaw.
Katuyuan sang sini nga aktibidad suno kay OCD 6 Director Jose Roberto Nuñez nga ma-tadlong ang mga sala nga na-obra sa una nga simulation drive nga gin-conduct kag para ma-improve pa gid ang ihibalo sang mga responders kon may insidente nga matabo.
Sa Iloilo naka-sentro ang ikadu-duha nga simulation exercise bangud sa Guimaras gin-set up ang una, dugang pa ni Director Nuñez.
Pareho sa una mga drill, may insidente man sang nagkulob nga pump boat sa Iloilo strait nga gin-respondehan sang Philippine Coast Guard.
May ginpakita man nga insidente sang vehicular accident nga ginrespondehan sang medical team.
Ang Coast Guard Iloilo station ang nagserbe nga Incident Command Post samtang ang OCD6 ang nangin Emergency Operation Center kag ginpangdala sa PPA sa Fort San Pedro ang mga nagpakuno-kuno biktima.
May ginpang-imbitar man nga mga LGU’s agud mag-observe sa ginhimo nga drill.
Ang plano nga mahuman pagkatapos sang simulation exercise, amo naman ang i-apply kun may emerhensya nga magluntad suno kay Director Nuñez.
*Interview with OCD6 Director Jose Roberto Nuñez