Trisikad driver, ginbuno patay sang kasubong nga trisikad driver sa Molo

By: JoMaque | Nobyembre 10, 2019, 8:57am

Iloilo City — Wala nagahinulsol ang trisikad driver nga nagbuno patay sa kasubong man niya nga trisikad driver sa South Fundidor, Molo.

Suno sa suspek nga si Melvin Caserial, 53-anyos sang nasambit nga lugar, ginayamuhat siya sang biktima nga si Allan Jimena, 44-anyos, kag ginasunlog nga tamawo.

Nainit ang suspek kag ginbuno sang apat ka beses ang biktima –tatlo sa dughan kag isa sa tiyan.

Gindala pa sa ospital ang biktima apang napatay.

Ginpahayag ni Caserial nga nag-inum-inom sila sang biktima antes ang pagpangbuno.

Batangueño nga nagalaba sang 9 inches ang ginamit sang suspek sa pagpatay sa biktima.