MARINA 6, bukas sa ginaduso sang motorbanca operators sa Guimaras nga testingan ang October 25 revised memorandum nga gin-isyu sang ahensya

By: Aine Grace Bravo | November 11, 2019

via Jeremy Brian Valle

Iloilo City — Ma-conduct sang simulation exercise ang mga motorbanca operators agud i-test ang mga conditions sa gin-issue nga memorandum sang MARINA sang October 25.

Suno kay Guimaras Vice Governor Edward Gando, tuyo nga i-establish sa himuon nga simulation exercise kun bala may yara sang basis ang apprehension sang mga operators sa condition nga gin-issue sang MARINA sa pagbalik sang trapal.

Bukas naman ang MARINA 6 sa plano sang provincial government kag operators sang Guimaras nga i-test ang conditions sang memorandum.

Suno kay MARINA 6 Regional Director Jose Vero, wala pa siya napahibalo sa plano sang mga motorbanca operators sa Guimaras.

Dugang pa ni Vero, mas maayo kun i-test ang conditions sa memorandum agud mahibaluan kun may basis ang pagpang-alang alang sang mga operators nga magbalik sa paghumlad sang trapal sa mga pumpboats.

Kinahanglan nga ipa-check sa MARINA 6 ang mga motorbanca antes sila maghimo sang simulation exercise agud mangin accurate ang pag-test sang memorandum.