Pump boat nga may karga nga bugas kag upa, nagkapan malapit sa Parola

By: Aine Grace Bravo | November 12, 2019

via Angel Mae Ciudad

Iloilo City — Nagkapan malapit sa Parola ang pump boat nga MB Tassel nga may karga nga bugas, opa, kalamay kag margarine.

Halin sa Parola Wharf kag pakadto sa Buenavista, Guimaras ang pump boat sang nagkapan.

Suno kay Senior Chief Petty Officer Albino Rodriguez sang Coast Guard Iloilo, nasugata sang pump boat ang fast craft nga pakadto sa Fastcraft Terminal sa Lapuz.

Sang naglapaw ang fast craft suno kay Rodriguez, na-igo sang nagdapya nga balud ang pump boat kag nabatian nga may nag-crack tubtob nga nagkapan ang sakayan.

Naluwas ang mga crew sang pump boat.