(UPDATE) Tanod commander nga gintiro sang riding-in-tandem sa Molo, wala sang kaangtanan sa illegal drugs suno sa PDEA

By: Aine Grace Bravo | November 13, 2019

via Aljohn Torreta

Iloilo City — Wala sang kaangtanan sa illegal nga druga ang chief tanod nga gintiro sang riding-in-tandem sa Barangay San Juan, Molo kahapon, Nobyembre 12.

Ini ang ginkumpirmar ni PDEA 6 Spokesperson Shey Tanaleon.

Suno kay Tanaleon, wala sa ila unified watchlist of suspected drug personalities si Limuel Villaruel sang San Juan, Molo.

Una na ginpahayag ni Lt. Col. Joem Malong, Spokesperson sang Police Regional Office 6 nga wala man sang malain nga record sa ila si Villaruel.

Nagabakal sang fish ball si Villaruel sang gintiro sang wala makilal-an nga riding-in-tandem.

Nasalabat pa sa insidente ang fish ball vendor nga si Angelita Rebote.

Padayon nga ginabulong sa ospital ang duha.