Driver sang motorsiklo, patay sang na-aksidente matapos naglikaw sa iya nasugata nga may deperensya sa paminsaron

By: Aine Grace Bravo | November 15, 2019

via Firingline

Zarraga, Iloilo — Patay ang lalaki sang natumba ang iya ginamaneho nga motorsiklo sang iya ginlikawan ang nasugat-an nga lalaki sa Brgy. Gines, Zarraga las 6:50 kagab-i.

Suno kay Police Staff Sergeant Ryan Superficial, imbestigador sang Zarraga MPS, mapa-load kuntani si Alfredo Brazas, residente sang Brgy. Gines, Zarraga, sang nasugata ang lalaki nga nagalakat sa tunga sang dalan. Ginlikawan ni Brazas ang lalaki rasun nga natumba siya kag naglampos gid ang iya ulo sa semento.

Gindala pa sa ospital si Brazas pero napatay.

Nabagrasan naman sa siko ang lalaki nga yara sa custody sang Zarraga police. Indi makuhaan sang detalye ang lalaki nga ginpahayag may deperensya sa paminsaron.