Masobra 1,500 Christmas lanterns sa Iloilo City, ginpasiga na

By: Aine Grace Bravo | November 16, 2019

via Angel Mae Ciudad/Hotline

Iloilo City — Masobra 1,500 ka mga Christmas lanterns ukon parol nga gintakod sa pila ka dalanon sa siyudad ang ginpasiga sa ginhiwat nga simultaneous switch-on ceremony sa Plaza Libertad subong nga gab-i.

Ang proyekto nga gintawag nga “Brighter 2019 Christmas” gin-organisar sang city government, Philippine Chamber of Commerce and Industry-Iloilo, Zonta Club of Iloilo, Bureau of Jail Management and Penology kag iban pa nga stakeholders.

Ginpasalamatan naman sang alkalde ang mga persons deprived of liberty ukon inmates sang BJMP district jail sa Ungka, Jaro nga naghimo sang mga dalagko nga parol.

Magluwas sa Diversion Road, Mandurriao, gintakod man ang mga parol sa General Luna Street, Calle Real, Muelle Loney, Iloilo Esplanade, kag mga public plazas.

Gin-imbitar sa switch-on ceremony si Sen. Franklin Drilon kag mga barangay kapitan sa siyudad.

Magalawig ang pagpasiga sang mga parol tubtub sa katapusan sang Enero sa masunod nga tuig.