Mga traffic aides sa siyudad, ipaidalum sa tatlo ka adlaw nga training ni Mayor Jerry Treñas

By: JoMaque | Nobyembre 17, 2019, 10:40am
via Aksyon Hotline

Iloilo City — Magaabot sa siyudad sang Iloilo ang mga personnel sang Metro Manila Development Authority (MMDA) agud maghanas sa mga traffic aides.

Suno kay Mayor Jerry Treñas, naka-schedule ang training sa Nobyembre 26 tubtub Nobyembre 28.

Ginpahayag alkalde nga ginhingyo niya sa MMDA ang training may kaangtanan sa mga traffic regulations kag mga dapat himoon sang mga traffic enforcers sa pag-direher sang trapiko.

Bisan ang iban nga munisipyo sa probinsya suno sa alkalde ang nagpangabay man nga ma-training sa MMDA upod sa traffic aides sang siyudad.

Sang damlag lang, gin-ako sang traffic aide nga nag-violate siya sa traffic rules sang nag-escort sa VIP nga nagsakay sa”‘Iloilo City Mayor” vehicle kag wala nagpundo bisan nag-stop na ang traffic lights sa Taft North, Mandurriao.

Ginpaathag naman ni Treñas nga bisan may escort ang salakyan, wala ini nagakahulugan nga i-disregard ang traffic lights.