PRO 6 DRDA Remus Zacharias Canieso, magapadayon sa pagserbisyo sa Western Visayas bisan gin-promote na nga brigadier general

By: Aine Grace Bravo | November 18, 2019

via Aljohn Torreta

Iloilo City — Padayon nga magaserbisyo sa Western Visayas si Police Regional Office 6 Deputy Regional Director for Administration, Police Brigadier General Remus Zacharias Canieso.

Nobyembre 13 subong nga tuig sang ginpirmahan ni Presidente Rodrigo Duterte ang order sa pag-promote kag Canieso nga brigadier general.

Suno kay Canieso, ginahalad niya sa mga pumuluyo sa Western Visayas kag sa mga personnel niya sa rehiyon ang iya rangko.

Gin-ako naman ni Canieso nga may plano may siya nga magpungko sa iban nga posisyon sa iban nga lugar, apang bonus na kun makapungko siya nga director sa PRO 6.

Si Canieso ang labing una nga Brigadier General sa Western Visayas nga wala na-assign sa iban nga rehiyon sa pagsaka niya sa posisyon kag sa pagtaas man sang iya rangko.

Tatlo ka tuig kag tunga pa antes magaretiro si Canieso.

Ginhatagan si Canieso sang pasidungog sa Kampo Delgado kaina sang aga kag lakip sa mga nagbisita ang iya mga himata.