Sunflower sa Diversion-Nabitasan road, ginpuksi sang menor-de-edad

By: JoMaque | Nobyembre 18, 2019, 9:52am

Iloilo City— Nagpa-blotter sa Mandurriao police station ang duha ka green guards sang nakit-an nga ginpuksi sang menor-de-edad ang sunflower sa Diversion-Nabitasan Road las 8:36 kagab-i, Nobyembre 16.

Suno sa mga green guards nga sanday Mariel Sionosa kag Colin Melicado, ila nakit-an ang pick-up nga nag-left turn pakadto sa Nabitasan bridge.

Nagpondo ang pick-up kag may nanaug nga menor-de-edad nga lalaki kag ginpuksi ang sunflower.

Dali-dali nga nagsakay balik sa pick-up ang bata kag nagpadulong naman ang salakyan sa Nabitasan, Lapaz.

Nabali ang puno sang sunflower bangud sang natabo.

Naga-duty ang duha sang natabo ang insidente.