Ilonggo, may best sex life base sa pagtu-on

By: JoMaque, Nobyembre 19, 2019, 9:43am

Iloilo City— Nagaguwa sa gin-conduct nga pagtu-on sang PhilCare Wellness Index subong nga tuig nga may best sex life ang mga Ilonggo kun ikumparar sa iban nga mga lugar sa Visayas kag sa pungsod.

Sa 75 ka mga respondents, 46 ang nagsiling nga sexually-active sila.

Base sa Wellness Index Scale, nagapakita nga may “good” sex life ang mga Ilonggo nga may score nga 2.70 ikumparar sa Bacolod nga may 2.87; Cebu nga may 3.11; Tagbiliran nga may 3.02, nga nagapakita nga may yara lang sila sang “somewhat good” sex life.

Nagguwa man sa resulta sang pagtu-on nga twice-a-week naga-sex ang average sang mga Ilonggo, mas madamo kumparar sa average rate nationwide nga once-a-week lang.

Ang resulta sang pagtuon, ginpresentar ni Dr. Fernando Paragas, lead researcher sang PhilCare Wellness Index sa mga katapo sang media sa Iloilo sang Nobyembre 18.