PLTCOL Jonathan Pablito, ginsaylo nga hepe sang Malay, Aklan Police Station halin sa Iloilo City Police Station 1

By: Aine Grace Bravo | November 19, 2019

via Aljohn Torreta

Iloilo City — Gin-relieve bilang hepe sang Police Station 1 si Police Lt. Col Jonathan Pablito.

Ginkumpirmar ni Pablito nga sugod kahapon, Nobyembre 18, nagpungko siya bilang hepe sang Malay Police Station sa Aklan.

Lakip sa jurisdiction ni Pablito ang Boracay.

Officer-In-Charge sa PS1 si Deputy Station Commander Victor Bacinillo.

Temporaryo naman nga na-assign sa Regional Personnel Holding and Accounting Unit si Police Major Jess Baylon nga anay hepe sang Malay Police Station.

Nagpasalamat si Pablito sa mga Ilonggo sa pagsuporta sa iya bilang commander sang PS 1.

Nagpasalig naman si Pablito nga padayon nga i-implementar ang internal cleansing kag SMART policing sa iya bag-o nga assignment.

Kabahin sang SMART policing ang pag-install sang 17 CCTV cameras sa Boracay kag pagpatukod sang command center para malikawan ang kriminalidad kag gilayon nga marespondehan ang mga insidente.

*Photo from Police Station 1